Повеќе секунди за грижа, повеќе простор за соништа
Во Божиновски часовници и накит, посветеноста кон општествената одговорност, претставува нераскинлив дел од секој аспект на нашето работење. Тоа значи многу повеќе од само донации, тоа е како обид стрелките на софистицираните механизми на часовниците не само совршено да го мерат времето, туку со нив и да се контролира протокот на времето, кога сакаме ќе го забрзаме, кога сакаме ќе го успориме. Се обидуваат да го обликуваат опкружувањето, додавајќи му на светот околку нас повеќе боја, емпатија, грижливост и насмевки или едноставно кажано Остварени соништа – нивен најискрен и најсилен влог кон заедницата.
Нашата визија:
Веруваме дека секоја една секунда е значајна, не само во контекст на мерењето на времето туку и во креирањето на инспиративни промени во заедницата. Со повеќе од дваесет и девет години на македонскиот пазар, во корот на нашата компанија не е само застапувањето на врвни софистицирани швајцарски брендови на часовници и накит, туку и поттикнувањето и поддршката на креативноста, спортот и слободниот дух во секоја своја форма преку политиката за општествена одговорност и во поново време преку формирањето на Фондацијата Божиновски.
Наши Проекти:
Дениција – Првиот локално дизајниран Swatch часовник со потпис на познатиот македонски илустратор и дизајнер – Зоран Кардула.
Манаки Офф – Враќање на фестивалската магија меѓу битолчани, преку активно учество, осмислување креирање и поддршка на OFF програмата на Меѓународниот фестивал на филмска камера Браќа Манаки.
Крај Вардарот Сесии – Проект кој и даде форма на винил на серија на интимни сесии помеѓу публиката и музичкиот перформанс на PMG Jazz, споделувајќи го тоа неопсливо чувстви со уште стотици аудиофили и музички ентузијасти.
Безвременски Луѓе – Бескрајна приказна која постои уште од формирањето на Божиновски часовници и накит и е наш најсилен и најискрен обид да му дадеме на времето посилен контекст, безрезервно издвојувајќи простор за сите оние луѓе кои слично како нас се водени од страна на пасијата и желбата да се создаде нешто вредно и безвременско. Круна на овој сегмент е концертот во чест на роденденот на Горан Стефановски.
Свеста е луксуз – Еко проект во кој што го отстапивме нашиот излог на една недела наместо луксузни часовници и накит да бидат изложени склуптури изработени од отпад – на тој начин пренесувајќи ја пораката дека Свеста и грижата за животната средина полека стануваат луксуз.
Сублимирано како компанија се фокусираме на стратешка поддршка во различни области како култура, уметност, спорт и младински иницијативи.
Што поддржуваме?
Поддржуваме проекти на креативен и партнерски начин со цел да го зголемиме општествениот импакт. Нашата поддршка е многу повеќе од само финансиска, бидејќи се стремиме да создадеме и да одржиме долгорочни врски. Пре сè поддржуваме инспиративни проекти, проекти кои се отворени и водени од силна пасија да направат некаков импакт. Нашиот фокус е стратешка поддршка на култура и уметност, спорт и млади. Не сме рамнодушни на проектите кои вклучуваат еколошки, социјални и женски теми.
Младите се наш фокус и особено сме инспирирани да придонесеме за нивниот професионален и личен развој и паралелно на тоа да работиме на обезбедување услови и заедници по мерка на младите како тие би останале со својата креатива и енергија во нашата држава.
Приклучете се:
Сметате дека имате проект кој може да направи вистинска разлика и се поклопува со нашиот стремеж како компанија? Поднесете ја вашата предлог апликација на нашата емаил адреса contact@bozinovskifondacija.org или преку онлајн формуларот, најмалку шест месеци пред неговата реализација.
Доколку времето го броиме само во секунди, тогаш не сме ништо повеќе од негови неми посматрачи. Доколку нашиот стремеж за општествена одговорност се случува само стихијно и не му дозволиме низ годините да еволуира и да му дадеме некаква форма, тогаш залудна е целата вложена енергија. Затоа, после сите реализирани проекти природно се случи да ја формираме „Божиновски фондација“ со цел нашите активности особено во сегментот на култура и уметност, да добијат уште послилен печат, да бидат уште повидливи и со посилно влијание.
Фондацијата иницира, развива, практикува и поддржува програми кои ќе обезбедат можности за раст, развој, усовршување и промоција на културата и социо-културните практики. Идентификуваме млади уметници, креативци кои ги поддржуваме и со кои заеднички креираме можности за развој и подобрување на можностите и условите во заедницата во која живееме.
Линк до веб страната https://bozinovskifondacija.org