Montblanc ја освојува наградата во категоријата за хронографи со Chronograph Tachymeter Limited Edition 100
Montblanc ја освои наградата во категоријата за хронографи на престижниот настан организиран од страна на швајцарската организација Grand Prix d’Horlogerie de Genève, која секоја година ги наградува најдобрите часовници во светот. Веќе 16 години Grand Prix d’Horlogerie de Genève и нуди можност на меѓународната заедница да ги слeди најновите трендови и иновации во часовничарството, со цел признавање и наградување на висококвалитетните креации, негување на часовничарската уметност и промовирање на часовничарската индустрија на глобално ниво. Церемонијата беше оддржана на 10ти ноември во Théâtre du Léman, Женева, каде во натпревар со 72 други часовници Montblanc 1858 Chronograph Tachymeter Limited Edition 100 ја освои наградата за најдобар хронограф. Наградата во категоријата за хронографи му оддава почит на извонредното наследство на производството на фабриката Минерва, основана во 1858 година, која е познато по својата ексклузивна работилница за производство на висококвалитетни инструменти за мерење на кратки временски интервали со извонредна прецизност.
