Безвременски луѓе – Божиновски часовници и накит ги слави луѓето за кои не постои времето како форма
И најскапиот часовник би бил само обичен инструмент, ако во него гледаме само секунди и минути, ако не умееме да го запреме времето, да отпатуваме во минатото и очи во очи да се сретнеме со великаните кои оставиле печат и со своите дела и дале форма на сегашноста. Божиновски часовници ги слави токму тие луѓе – оние безвременските, затоа што без разлика дали на тајмлајнот физички биле присутни пред сто години, дали творат денес или допрва ќе слушнеме за нив тие се тука да не инспирираат да му дадат форма и боја на нашиот живот и пред се да им даде смисла на секундите. Инспирирани од магијата на нивното влијание врз течението на времето, нашата заложба е во секој погодно даден момент да се потсетуваме и да ги прославуваме. Во нашиот круг на безвременски луѓе, после Петре М. Андреевски со специјално дизајнираниот часовник посветен на Дениција, долгогодишното “поклоништво„ на творештвата на браќата Манаки, дојде ред, на ова наше патување да се поклониме на нашиот великан Горан Стефановски.
А сето започна…
…во еден заеднички разговор со Влатко Стефановски, кој е наш драг пријател, разговарајќи за Битола, Горан, концертите на Влатко, и одеднаш се роди идејата во негова чест и роденденот на нашиот македонски Шекспир, да организираме концерт во неговиот роден град, и така се започна.
И баш така, на неговиот роденден 27.Април, во неговата родна Битола со концерт на Влатко Стефановски го продолжуваме ова наше патување кое има за цел да отвори нови димензи и да ги истакне луѓето кои секојдневно не инспирираат, луѓето кои успеале да го победат времето! Добредојдовте на нашето патување.
Малку историја….
Горан Стефановски е роден е во Битола на 27.Април 1952г., на улицата Београдска бр.5 во куќата на семејството Зиса, која ја делеле родителите на Горан, со познатото актерско битолско семејство Чоревски. Браќата Благој и Борис Чоревски се сеќаваат дека тие живееле на долниот кат, а Стефановски живееле на горниот кат. Биле многу блиски, па поканата да ја делат куќата била идеја на битолскиот актерски познат пар Трајко и Ратка Чоревски.
Во Народниот театар во Битола, Горан ги направил првите детски чекори во периодот кога татко му, Мирко Стефановски беше и актер и кратко време и директор. А неговата мајка Нада, била актерка. Замислете го тоа мало љубопитно дете низ стариот театар во Битола, несвесно дека во една блиска иднина, дури 9 негови претстави ќе бидат поставени во овој театарски храм, ќе доживуваат бројни изведби пред преполно гледалише, ќе добиваат награди на фестивали и ќе го слават неговото име.
За концертот…
Концертот во Битола, се одржи во Офицерски дом во Битола. Со чаша добро вино, Борис Чоревски, евоцираше спомени и изведе делови од драмите на Стефановски во кој самиот настапувал, пријателите и познаниците на Горан можеше да ги споделат своите мемории а потоа, Влатко Стефановски имаше соло настап.
