Божиновски часовници и накит ја продолжи традицијата на доделување на наградата „Дијаманти на кинематографијата“, во склоп на фестивалот „Браќа Манаки“. Оваа година дијамантите ќе заблескаат во рацете на годинешните лауреати; композиторката Џозелин Пук и австрискиот кинематограф Кристијан Бергер.
Врачувањето на наградата со оглед на ситуацијата се случи во интимна атмосфера во просториите на „Божиновски часовници и накит“ на Широк Сокак во Битола.
„Што може повеќе да кажеме за двајцата добитници, од тоа што за нив го зборуваат нивните ремек дела., може само да ни биде чест што Битола, а со тоа и Божиновски часовници и накит е дел светската филмска кинематографија. Фестивалот Манаки е најголемиот дијамант кој Битола го има како град, треба да го брусиме да го негуваме, да го живееме и од година во година да го правиме се посјаен.“
Оваа година Божиновски часовници и накит како долгогодишен партнер на фестивалот се впушти во позначајна авантура, ангажирајќи го целитот човечки и креативен потенцијал на компанијата со цел да ја збогати OFF програмата на фестивалот. Целта е како што велат од Божиновски, радоста кон фестивалот да се врати кај битолчани, да го живеат и да бидат горди што се дел од ова случување.
