***
„Божиновски часовници и накит“ ќе биде партнер на „Новогодишната Џез бајка“, организиран од страна на битолскиот музички проект „Фрагмент” настан кој на 28 декември ќе се одржи во НУ Народен Театер – Битола. Со особено задоволство даваме поддршка на секоја искра која ќе ја пламне надежта за повторно културно воздигнување на Битола – градот од кој што започна да се гради приказната за „Божиновски часовници и накит“.
„Ветивме дека како „Божиновски часовници и накит“ ќе застанеме зад секој изблик на култура во нашиот град и тоа не го сфаќаме како наша добра воља, туку како наша обврска да бидеме поттик и поддршка за младите и надежни уметници како што се луѓето кои стојат зад проектот „Фрагмент“. Тука е сокриена и нашата најсилна новогодишна желба која тлее длабоко во нас како компанија, преку симболиката на спојот на битолскиот часовничарски бренд со џез звуците на „Фрагмент“, во предвечерието на Новата Година, да ја разбркаме маглата која надвиснала врз нашиот град и Битола повторно да започне да брои ново време “.
“Фрагмент” е Битолски музички проект основан од Давор Неќак и како проект функционира во најразлични состави на музичари. Во моментот на овој проект соработуваат вкупно пет музичари: Јасна Мазевска – вокал, Дарко Бошков – бас гитара, Марјан Павловски – тапани, Стефан Тасевски – саксофон и секако Давор Неќак кој ги работи аранжманите на композициите што ги изведува “Фрагмент”.
На 28 Декември Фрагмент ќе не одведе на Новогодишна Џез бајка и ќе не поттикне да започнеме со одбројување на магични ноти наместо секунди до Новогодишната ноќ.
