Една од најзначајните соработки во светскиот коњички спорт доби продолжение. Longines и Longines Global Champions Tour официјално го обновија партнерството до 2032 година, потврдувајќи ја позицијата на брендот како Титуларен Партнер и Официјален Тајмкипер на најпрестижниот show jumping серијал во светот.
Продолжувањето на ова партнерство беше најавено во Прага, во неделата кога европската коњичка сцена го очекува финалето Longines Global Champions Tour Super Grand Prix, спектакл што ги собира победниците од сите Grand Prix етапи во едно финале исполнето со спортска прецизност и драматика.
Македонско присуство на настанот
На официјалната презентација во Прага присуствуваше и тимот на Божиновски часовници & накит, ексклузивен партнер на Longines за Македонија. Присуството на Божиновски на ова значајно претставување е продолжение на долгогодишната соработка со брендот, соработка што локално ја носи филозофијата на Longines: elegance, tradition & performance.
Партнерство што ја обликува современата историја на коњичкиот спорт
Од 2012 година наваму, соработката меѓу Longines и LGCT ја креираше визуелната и организациската култура на елитниот show jumping, претворајќи ги градовите како Париз, Monaco, Рим, Шангај и Ријад во отворени сцени на кои естетиката, прецизноста и спортската извонредност се на исто ниво.
Во официјалното соопштение, Patrick Aoun, CEO & President на Longines, истакна:
„Ова партнерство ги одразува нашите вредности: елеганција, традиција и перформанс. Заедно создаваме моменти што оставаат трага.“
Основачот на LGCT, Jan Tops, додаде:
„Longines е клучен дел од нашата мисија да го подигнеме шоу-скокот на ново ниво. Новата фаза значи повеќе иновација, повеќе глобално влијание и уште поголем раст.“
Longines и Божиновски – дел од иста приказна за елеганција и спортска прецизност
Присуството на Божиновски часовници & накит на светските претставувања на Longines ја зацврстува улогата на компанијата како македонски амбасадор на швајцарското часовничарство веќе три децении и на спортските вредности што брендот Longines ги гради повеќе од еден и пол век.
