Како дел од платформата “Сѐшто ни треба е љубов” годинава ја поддржавме тринаесеттата експедиција “Први на први” која секоја година организира подвиг, првото изгрејсонце во годината да го дочекаат на врвот Пелистер.
И можеби тринаесетката не беше најсреќна бројка и планинарите годинава на Пелистер ги дочека со силна олуја, но симболично 13 годишниот Јаков Мицевски, најмладиот член на експедицијата ни одржа лекција на сите дека годините се само бројка кога со вистинска и неизмерна љубов ги правиме работите кои не исполнуваат.
Импресионирани од неговата упорност на младиот херој му врачивме часовник, со кој се надеваме дека и во иднина ќе продолжи да ги брои своите идни подвизи на кои сите ќе се радуваме заеднички.
Планинарите на врвот Пелистер го развиорија и платното со убави желби и пораки кои во последните денови од 2023 битолчани ги испишуваа во градскиот парк и на тој начин заеднички ја пренесовме пораката дека Сѐ што ни треба е љубов. Прекрасен старт на новата година.
