И оваа година тимот на „Божиновски часовници и накит“ ја имаше честа да ја изработи наградата „Ѕвезда на македонскиот филм“ на фестивалот „Браќа Манаки“, награда која традиционално се доделува за особен придонес во македонската кинематографија од страна на на Друштвото на филмски работници на Македонија.
Креирањето на оваа награда како автентична рачна изработка веќе неколку години по ред е еден од најинспиративните проекти за нашиот тим и тоа немаше да биде ништо необично, доколку мотото по кое се води тимот на креативци кој е најодговорен за изработката на наградата не е „Само ако е најдобро, тогаш е доволно добро“. Па така секоја година тимот на перфекционисти посветено работи на тоа како секоја новоизработена ѕвезда да блеска уште повеќе од претходната. Убедени сме дека и оваа година успешно одговоривме на предизвикот.
Годинешната награда „Ѕвезда на македонскиот филм“ постхумно се додели на филмскиот продуцент Горјан Тозија.
Традиционално покрај изработката на наградата „Ѕвезда на македонскиот филм“ Божиновски ја додели и наградата „Дијаманти за дијамантите во кинематографијата“, а годишно добитници се Ентони Дод Ментл и Џон Матиесон.
