Љубовно прегрнување во 7/8
Вториот македонски Swatch од платформата „Swatch на кирилица“ ќе го брои времето во духот на седум осминскиот такт. На јавниот повик за избор на креативно решение, победи дизјанот на Андреј Павлов, насловен “такт, ритам, време“. Изборот на победникот помеѓу над 80-те испратени креативни решенија, беше направен од страна на тимот на „Божиновски часовници и накит“ заедно со стручната жири комисија во состав: Крсте Роџевски, Влатко Стефановски, Симон Трпчевски, Милчо Манчевски, Славимир Стојановиќ – Футуро и Михаил Корубин.
Она што на прва освојува во победничкиот дизајн е доловеното чувство на прегратка кое на некој начин ја отсликува емоцијата која ја чувствуваме во моментите кога го слушаме 7/8-от такт како најавтентичен македонски код. Љубовно прегрнување, кое секогаш предизвикува промена на срцевиот ритам кое понекогаш е проследено и со прескокнување на некое отчукување- аритмија, нљубовна аритмија.
Радоста е уште поголема што победничкиот дизајн е креиран од млад креативец, давајќи еден модерен твист и „out of the box“ доживување на приказната, укажувајќи ни дека ритамот на нашата душа силно ќе продолжи да отчукува и во иднината како основа за потрага на нови форми и нова инспирација.
ЗА АВТОРОТ
Андреј Павлов (26), дипломиран машински инженер по индустриски дизајн (на УКИМ) и моментално вработен како главен уредник на дизајн на СКАЛА магазин. Визуелен уметник, кој истражува и креаитра форми креирани од една континуирана линија. Најголем дел од неговите дела се базирани на портрети и емоции кои го репрезентираат човечкото тело, инсирирани од енергиите на луѓето емоциите и креативноста околу нас. Андреј твори на овој естетски јазик, за форми и приказни кои коегзистираат во една континуирана линија и просторот околу истата. Награден на овогодинешниот саем за книга со првата награда за најдобро ликовно и графичко решение. Во последните неколку години е дел од неколку изложби, самостојни и колективни. Од кои една е Скопје Херои и згради, самостојна изложба која оддава почит на дел од најпознатите архитекттонски достигнувања на Скопје. Како последни изложувања би ги одвоиле изложбата ПАТЕРН визуелни размисли за стереотипите одржана во КСП Јадро и анимациски перформанс во склоп на Skopje Light and Art Distrct на Школка во градски парк.
Линкови од неговите креативни профили: