Холивуд не може да биде Битола, но Битола може да биде се што ќе посака, а тоа зависи само од нас. Сите!

Божиновски часовници и накит веќе 15 години го игра своето танго со фестивалот на филмска камера Браќа Манаки. Поголемиот дел од јавноста тоа веќе добро го знае, но она што никој не знае е мотивот за таа игра а тој лежи во една длабока трауматична фрустрација која ја влечам од моите тинејџерски години кога полека започнав да сфаќам колку овој мал народ всушност е поделен. Kога се навлеков на филмовите и магијата на ФФК Брака Манаки некаде во 85та, започнав да ги слушам незадоволствата за оние од Скопје кои организираат и оние од Битола кои не се домаќини како треба…за на крај да го искусам истото чувство во својата компанија која е составена од околу 45 извонредни и вредни работници. Но и меѓу нив поделбата на оние од Скопје и оние од Битола беше нешто што веќе крајно ме вознемируваше.

Се прашувам , кога ќе сфатиме дека ЗАЕДНО и само ЗАЕДНО можеме да испливаме од секаква не биднина и дека поделени никогаш за ништо нема да не биде.

И така пред 15 години мојот тим и јас ја започнавме иницијативата прво да се покажеме како добри домаќини на ФФК Брака Манаки а потоа и со проектот Манаки офф со кој преку еден спој на локалните претприемачи, интелектуалци, кративци, заедно да направиме една шареноликост низ Битола и да го пуштиме фестивалскиот дух слободно низ улиците и сокаците на Битола на општо задоволство на битолчани , скопјани, македонци и на странските гости.

Во последните 7 години, фестивалот го накити битолското небо се окоу 50 ѕвезди- лауреати, врвни светски кинематографи, продуценти, режисери… а ние на секој од нив им подаривме по еден дијамант како симбол за нивната безвремена вредност.

Изработивме и доделивме 5 големи звезди за најголемите македонски творци во филмската индустрија како најголемо признание за животно дело кое го доделува друштвото на филмски работници. Органзиравме стотина различни настани, забави, журки, коктели, презентации, промоции, изложби, работилници… и денес веќе можам да кажам дека чувствувам како моите цели полека се остваруваат, и во свеста на јавноста навлегува мислата дека заедно сите ние, сите од цела Македонија, му даваме една целокупност и нова вредност на фестивалот.

И се чувствувам спокојно и задоволно.

Ние не сме Холивуд, но и Холивуд не е Битола!

Во Холивуд се слави гламурот, луксузот и сјајот на најпознатите актери.

Во Битола се слави скромноста, топлото добредојде, мирисот на домашната храна, сирење, ајвар, ракија , вино. Се слават скриените дворови, авлии, се слави добродушноста. Во Битола се слават скромните господари на филмската магија, волшебниците кои од сенка ги ствараат движечките слики.

Да повториме: Холивуд не може да биде Битола, но Битола може да биде се што ќе посака, а тоа зависи само од нас. Сите!