Дали дефиницијата за луксуз се менува? Ова прашање го поставивме преку герила акцијата „Свеста е луксуз“.
Во излозите на продажните салони на “Божиновски часовници и накит“ во Битола и Скопје се изложија вкупно десет од изработените скулптури. Минувачите кои се навикнати на излозите во нашите луксузни продавници да гледаат часовници и накит од познатите швајцарски брендови, забележаа моќна порака на излозите „Воздухот не е луксуз“, “Свеста е луксуз“. Дополнително излозите беа украсени со склуптури изработени од отпадоци собрани од страна на иницијативата #МетиСиСоКласнето.
Сите дела беа изложени на новогодишниот џез концерт во Битола во Центарот за култура на симболичниот „Плоштад иднина“, каде симболично посакавме свесноста да проработи на сите нивоа во нашето општество и во следната година да влеземе со чисти мисли.
Во иницијативата се вклучија околу 400 млади креативци со своите ментори и доставија инспиративни и квалитетни дела.
