Сервис Информации за водоотпорност

Информации за водоотпорност

Сите часовници имаат одреден степен на водоотпорност, опишана во метри или бари (1bar = 10m). Забелешка: записот на часовникот кој ни кажува за степенот на водоотпорност во метри е техничка норма и не соодветствува со конкретна длабочина. Записот "Водоотпорност до Х метери" не значи дека часовникот може да се носи до таа длабочина. Тоа ни кажува дека часовникот може да издржи притисок еднаков на статичко потопување до Х метри длабочина. Движењата кои ги правиме кога го носиме часовникот (нуркање, скокање, пливање, итн) како и силата на водата (туш, течение на река, водопади, итн) можат значително да го зголемат притисокот.

Проверка на водоотпорност / замена на дихтунзи

Водоотпорноста на куќиштето е обезбедена од софистициран систем од дихтунзи. Дихтунзите од овој систем се изложени на голем број надворешни влијанија (потење, топлина, топлински промени, ултравиолетови зраци, хлор или солена вода, хемикалии, козметички производи, прашина, итн). Затоа за да функционираат колку што е можно поефикасно, треба повремено да се менуваат. Во случај на интензивно користење на часовникот во вода, препорачуваме дихтунзите да се менуваат при секој редовен сервис. Во други случаеви, менувањето треба да се прави секои две години (и при промена на батерија, доколку се менува). Препорачливо е да се прават тестови за водоотпорност секоја година, идеално пред летната сезона кога се очекува поголема изложеност на вода. Тестот за водоотпорност одзема неколку минути и може да се направи во некој од нашите сервиси.

Круна/копчиња со навртување

Часовниците кои се наменети за користење во вода генерално се опремени со круни со навртување, кои се гаранција за оптимална водоотпорност. Пред било каква интервенција над круната, истата мора да се отклучи со одвртување и потоа со навртување да се заклучи. Истиот принцип важи и за копчињата со навртување кои не можат да бидат активирани без прво да се одврти прстенот кој ги држи заедно.

Вентили за хелиум

Часовниците кои се дизајнирани да бидат водоотпорни на големи длабочини (2000м, 3000м), се опремени со вентили за хелиум. Овие вентили служат за да го изедначат надворешниот и внатрешниот притисок. Почнувајќи со внатрешен притисок од околу 3 бари, вентилите автоматски го испуштаат хелиумот кој се има акумулирано од времето поминато на длабочина, со што спречува експлозија на куќиштето.

Неколку работи на кои треба да се внимава:

За повеќе информации обратете се на: dr.watch@bozinovski.com.mk