Затоа нашата поддршка не се сведува само на донации. Таа е обид да се создаде повеќе простор за култура, уметност, спорт, млади, креативност и идеи што носат промена. Повеќе боја, повеќе грижа, повеќе емпатија, повеќе можности. Или, наједноставно кажано, повеќе простор за остварени соништа.
Веруваме дека секоја една секунда е значајна, не само во контекст на мерењето на времето туку и во креирањето на инспиративни промени во заедницата. Со повеќе од дваесет и девет години на македонскиот пазар, во корот на нашата компанија не е само застапувањето на врвни софистицирани швајцарски брендови на часовници и накит, туку и поттикнувањето и поддршката на креативноста, спортот и слободниот дух во секоја своја форма преку политиката за општествена одговорност и во поново време преку формирањето на Фондацијата Божиновски.
Низ годините, Божиновски беше дел од различни иницијативи што ја поврзуваат естетиката со заедницата, времето со културата, а вредноста со луѓето што создаваат.
Дениција – Првиот локално дизајниран Swatch часовник, создаден во соработка со познатиот македонски илустратор и дизајнер Зоран Кардула. Проект што ја спои швајцарската часовничарска приказна со локалниот визуелен јазик и современ македонски дизајн.
Манаки Офф – Поддршка и активно учество во OFF програмата на Меѓународниот фестивал на филмска камера „Браќа Манаки“. Идејата беше да се врати дел од фестивалската магија меѓу битолчани и да се создаде простор каде филмот, градот и публиката повторно се среќаваат живо.
Крај Вардарот Сесии – Проект што им даде форма на интимните музички сесии со PMG Jazz, претворајќи го доживувањето во винил и во траен запис за аудиофили, музички ентузијасти и сите што знаат дека некои моменти заслужуваат да останат.
Безвременски Луѓе – Приказна што постои уште од формирањето на Божиновски и претставува наш обид да му дадеме на времето подлабок контекст. Простор за луѓе водени од пасија, создавање и желба да остават нешто вредно и безвременско. Еден од најзначајните моменти во овој сегмент беше концертот во чест на роденденот на Горан Стефановски.
Свеста е луксуз – Еко проект во кој излогот на Божиновски, наместо луксузни часовници и накит, беше отстапен за скулптури изработени од отпад. Пораката беше јасна: во време кога грижата за животната средина сè уште не е доволно присутна, свеста навистина станува луксуз.
Поддржуваме проекти што имаат идеја, пасија и јасна намера да создадат општествен импакт. Нашата поддршка не ја разбираме само како финансиска помош, туку како партнерство, вклучување и долгорочна врска со луѓе и иницијативи што сакаат да направат нешто значајно.
Фокусот е на култура, уметност, спорт и младински иницијативи. Особено нè интересираат проекти што отвораат простор за младите, за нивниот личен и професионален развој, и за создавање средини во кои нивната креативност и енергија можат да останат тука, во нашата заедница.
Отворени сме и за проекти што допираат еколошки, социјални и женски теми, кога зад нив стои силна идеја, јасен импакт и потреба што заслужува внимание.
Сметате дека имате проект што може да направи вистинска разлика и се поврзува со вредностите на Божиновски? Поднесете предлог апликација преку е-пошта или преку онлајн формулар, најмалку шест месеци пред планираната реализација.
По години реализирани проекти, природно се создаде потреба нашата општествена одговорност да добие појасна форма, поголема видливост и посилен континуитет. Така се роди Божиновски Фондација.
Фондацијата иницира, развива, практикува и поддржува програми што отвораат можности за раст, развој, усовршување и промоција на културата и социо-културните практики. Особено внимание посветуваме на млади уметници, креативци и луѓе со идеи што можат да ја збогатат заедницата.
Идејата е едноставна: времето да не го броиме само во секунди, туку и во можности што сме помогнале да се создадат.
ГРИЖА НА КОРИСНИЦИ
Нашиот тим за поддршка е тука 24/7 за сите ваши прашања и информации.
Дознај повеќе
ПРОДАЖНИ МЕСТА
Посетете ги нашите физички продавници за да ги видите и испробате производите.
Дознај повеќеНашата компанија
Брендот Божиновски часовници и накит повеќе од 30 години е синоним за успех и квалитет обединувајќи ги луксузот, убавото живеење, стилот и луѓето преку искуства кои инспирираат.
Бесплатна достава
Швајцарски часовници
Сигурно и безбедно плаќање
Едноставно враќање
+389(0)70 269 706
