2016
На 14 октомври, историскиот простор на Музеј на град Скопје доби урбана атмосфера во која беа претставени колекциите на Montblanc. Презентацијата, организирана од „Божиновски часовници и накит“, беше ексклузивна можност претставниците на медиумите и гостите одново да се запознаат со луксузниот бренд и да прослават 110 години иновативност и префинетост.
2016
Во минималистички уредена презентација, во духот на Calvin Klein, беа изложени софистицираните парчиња накит и часовници на овој бренд на 27.05.2016. Преку својот накит и часовници, Calvin Klein нѐ носи кон природните и основни форми кои го носат исконскиот дух на брендот.
2016
Лансирана е Swatch POP колекцијата. Часовниците беа презентирани во петокот на 20 мај во Концепт37. Презентацијата ја водеше Марко Новески, кој е актуелен радиоводител на новата емисија „Сказалки“. На самиот настан беа прикажани и фотографиите на графичкиот дизајнер и илустратор Иван Петрушевски ФЛИМ.
2015
Нашата љуботитност и желба за нешто ново е она што не доведе до уште еден луксузен бренд, кој се придружи на портфолиото на Божиновски. А тоа е OMEGA еден од најреномираните брендови во часовничарската индустрија.
2012
Потпишуваме договор за соработка со Longines и Mont Blanc и го отвораме нашето ново продажно место во срцето на Скопје.
2011
Потпишуваме договор за соработка со Tag Heuer, Caran d'Ache и Scatola Del Tempo и го планираме отворањето на нашето ново продажно место во срцето на Скопје. Во меѓувреме Swatch запчнува да се продава во центарот на Тетово во прекрасниот продажен салон на нашиот официјален партнер Lost.
2010
Потпишуваме договор за франшиза со Креденец - Хотел „Дрим“ во Струга. Се прошируваме и во Струга. Отворен нов продажен салон во Штип (договор за франшиза)
2009
Во ГТЦ го отвораме нашето петто продажно место. Отворен е првиот аутлет за часовници и накит во Македонија - Bozinovski outlet. Во овој аутлет нашите клиенти можат да ги пронајдат своите омилени “evergreen” часовници и накит од SWATCH и CALVIN KLEIN, часовници TISSOT, TROIKA асеоари и FLIK FLAK часовници за деца со намалени цени од 25 – 40 %.
2008
Потпишан е договор за продажба на Breitling часовници.
2007
Божиновски е во првите 24 претприемачи во Македонија за оваа година. По прв пат е организиран настанот Swatch екстремно качување на карпа во Градиште – Охрид.
2006
Промена на локацијата на продажното место во Битола. Од Стара Чаршија Божиновски се преселува на Широк Сокак.
2005
Ја Започнуваме дистрибуција на Renata батерии во Македонија. Во јуни оваа година отвораме ново продажно место во Рамстор Мал. Стануваме официјален агент за швајцарската марка на часовници Tissot. Во исто време потпишуваме договор за ексклузивност со Elite часовници од Париз.
2003
Во ланецот на Божиновски часовници и накит отвораме уште едно продажно место во ТЦ Бисер. Оваа година Божиновски часовници и накит се збогатува со продажно место во Велес (договор за франшиза). Започнува соработката со Calvin Klein. Стануваме ексклузивен дистрибутер на овој бренд.
2001
Swatch Shop – ново брендирано продажно место во ГТЦ – Скопје
1997-2002
Развиваме мрежа од свои дистрибутери во 13 градови во Македонија со вкупно 30 Продажни места.
1997
Ја зголемуваме својата активност и стануваме ексклузивен дистрибутер на Swatch (часовници и бижутерија) и Flik Flak – детски часовници.
1996
Основање на Божиновски часовници и накит и отворање на прво продажно место во Битола.
