Несекојдневна работна пауза организираше „Божиновски часовници и накит“

7 октомври 2017

Нотите на Стинг го обоија Скопје со позитивна енергија

Во петокот (6.10.2017) центарот на Скопје беше обоен со звуците на светската ѕвезда Стинг. Како дел од кампањата Победи го времето – живеј го моментот „Божиновски часовници и накит” организираше несекојдневна работна пауза. Во 12 часот вработените од околните компании заедно со вработените во Божиновски, пред продажниот салон на улица Македонија, имаа можност да се забавуваат со звуците на Стинг и заедно да споделат убави моменти.

Најпознатите хитови на Стинг ги исполнуваа дечките од ФОУНИ, кои дадоа максимален труд заедно со присутните заеднички да создадат момент за паметење. 

„Зошто да биде само уште една обична пауза, кога може да биде пауза за паметење и пред да се случи големиот  концертот на Стинг во Скопје, да одбројуваме со убави моменти збогатени со неговата музика во позадина. Доколку само го одбројуваме времето ние би биле уште една обична компанија која се занимава со продажба на часовници, но нашата цел е нашите клиенти да не добиваат само обични инструменти за мерење на времето, туку инструменти за мерење на убави несекојдневни моменти. Токму затоа како компанија станавме партнери на сите поважни културни случувања и настани во нашата земја, со цел колективно да уживаме и да живееме со што повеќе убави моменти околу нас“, изјави Ана Божиновска бренд менаџер во компнијата.

Покрај да се забавуваат со звуците од музиката на Стинг, најхрабрите присутни на настанот имаа можност и да ги покажат своите вокални способности, сите заедно одбројувајќи ја несекојдневната работна пауза.

Од Божиновски часовници и накит истакнуваат дека ќе продолжат да ги поддржуваат, во рамките на своите можности, сите поважни културни настани во земјава. Покрај поддршката на фестивалот на филмска камера Манаки, годинава компанијата е премиум партнер на Авалон продукција и преку тоа ја шири максимата Победи го времето, Живеј го моментот!

0
0
1
2
3
4