Во Светот на Часовниците

6 февруари 2017

Прочитајте го интервјуто со нашиот бренд менаџер - Ана Божиновска

ВО СВЕТОТ НА ЧАСОВНИЦИТЕ 
...заедно со Ана, амбасадор на неколку светски познати брендови. 
Еден од моите најголеми стравови е да останам без word документ и прилика да пишувам. Иако многумина веруваат поинаку, искрено тврдам дека делот пишување најмногу го сакам во мојава позиција во Unique. Но, кога пријателките ме прашаа во која друга професија можам да се замислам, без размислување реков: бренд менаџер. Во текот на мојата седумгодишна кариера во списаниево, имав прилика да запознаам голем број бренд менаџери, на мое задоволство peчиси сите се жени. Некои се од светот на модата, други се од светот на козметиката, а се наоѓа и по некоја од машкиог сектор- мислам на автомобилите. Она што ги поврзува овие дами и што мене лично ме фасцинра е отменоста во пристапот, начинот на зборување, гестикулациите, облекувањето, а сепак во сета таа појава доминира некоја чудна народност што ќе ве освои. Тие се полни со самодоверба, но не се надмени. Тие се моќни, но не го потценуваат соговороикот. Тие се пријателски наметливи и прилагодливи камелеони. Ништо поинаква не е мојата соговорничка Ана, која доаѓа од редовите на Божиновски часовници и накит. Ја забележав на неколку нивни промоции и веднаш ја запаметив поради природната убавина и специфичниот аутфит, си помислив: На оваа дама и прилега да го застапува Calvin Klein! Излезе дека сум во право, но покрај американецот, Ана веќе 10 години застапува уште 9 швајцарски брендови за часовници достапни во Божиновски. Заљубена во приликата да работи во еден свет на луксуз и убавина, се запрашав како оваа жена успева да менаџира со времето од една страна и со малите безвременски направи кои се во функција да го мерат ценетото, од друга? "Позицијата на бренд менаџер бара човек кој знае буквално да дише со брендот. Секако дека работните обврски еволуираа од почетокот до денес, што значи она што го работам денес бара многу поголем ангажман, професионализам и посветеност. Тука ќе споменам нефиксирани работни часови; многу често знам да останам до доцна во канцеларија борејќи со роковите и времето штo на сите ни недостасува. Mojaтa работа честопати подразбира патување во странство и состаноци со сите наши партнери каде всушност се донесуваат големи одлуки, се склучуваат важни договори, се предвидуваат новите трендови, се дефинираат новите колекции, се предвидуваат количините потребни эа следната година, а честопати и за две години однапред." објаснува Ана. Притисоци, рокови, прекувремена работа, добрата заработувачка ќе направи на крајот од денот да преминеме преку се. Се согласувате? Од петни жили врескам: HEI Да, светот стана материјален, но cе уште верувам дека љубовта е движечката сила. Ана го потврдува истото: "3а секој од брендовите имам посебна љубов, не двојам ниту еден, бидејќи сите бараат голема посветеност. Секој од нив има свој карактер и темперамент, па соодветно на тоа и нивното пласирање на пазарот мора да биде внимателно подготвено, а потоа и поставено според барањата на брендот. Дел од мојата грижа е и правилно позиционирање на брендот на пазарот. Тоа опфаќа правилен избор на производи, добро позиционирани продажни места, добро визуелно претставување или излажување, добар маркетинг, за на крај сето ова да резултира со добри продажби и задовопни купувачи", вели Ана. Ако приказнава ја фиксираме исклучиво на наше поднебје, парите ќе испливаат како проблем. Токму тие се најголемиот предизвик за менаџерите кои работат со луксуз. "Нашиот пазар е предизвик сам по себе токму поради условите во кои работиме. Позиционираноста на брендовите не смее да отскокнува од светските правила; количината на работа е скоро иста независно од тоа дали се работи эа голема или мала земја, а мојот најголем предизвик е да бидеме успешни и со толку мал број клиенти колку што може да има во Македонија. Јас и малиот тим околу мене имаме заедничка задача да вршиме суптилна едукација за эначењето на луксузните брендови. Од особено значење е подигнување на свеста на потрушувачите што значи еден Omega, Breitling, Longines...тие не се само обични мерачи на време, тие се ремек дело, парче кое може да се наследува со генерации и повторно совршено да функционира. Има една изрека која со гордост ја пренесуваат во Patek Philippe, а важи за сите луксузни мерачи на време: 'Вие всушност и не го поседувате вашиот луксузен часовник, вие само се грижите за него како наследство за следната генерација." Времето е најголемиот пријател на часовниците и накитот воопшто, бидејќи им ја зголемува вредноста. 
Како? Им дозволува на парчињата да си прилепат своја историја. Светот на часовниците е неверојатно интересен и посебен, преплетен со познати историски настани и личности. "Првиот часовник кој слетал не месечината бил Оmega, од тој момент тoj станува эадолжителен во опремата на космонаутите. Swatch часовникот во 80тите како концепт произлезен од Nicolas Hayek, во последен момент ја спасува швајцарската индустрија од колапс предизвикан од конкурентните кварцни и дигитални часовници од Јапонија и Кина кои изместија една цела традиција. Tissot, 1953тa, брендот кој го произведе првиот џебен часовник што покажувал две временски зони. За време на мојата посета во Omega музејот во Швајцарија, слушнав дека во одреден период на жените им било забрането да носат часовници. Но, тие нашле начин да го маскираат механизмот со помош на украсен капак што на рака делувал дека е накит." раскажува Ана. Комплицираната постапка за изработка, особено на механизмот кој е срцето на часовникот и кој му дава бесмртност, самиот дизајн кој е подложен на трансформации под влијание на модата, се главните инспиративни двигатели за оваа дама која е заљубена во часовниците. Тик, так, тик, так, времето тече, но направата останува безвременска, јас би додала и Ана е безвременска за својата позиција.  (Unique)

0
0
1
2
3
4