Најдобрите кожни ремчиња во часовничарската индустрија

Уште од далечната 1765 година, преработката на кожа се наоѓа во центарот на деловните активности на HIRSCH и претставува фамилијарна традиција која се пренесува од генерација на генерација. Во 1945 година, наследникот на компанијата, Hans Hirsch, започнува со изработка на кожни ремчиња за часовници, за по една деценија да открие нов метод за беспрекорно спојување на кожната површина на рабовите на ремчето. Оваа метода, позната како Hirsch Remborde метода, е патентирана од страна на Hirsch и подоцна станува светски стандард во индустријата за изработка на кожни ремчиња за часовници, која денес е применета од страна на најголемите мајстори за изработка на кожа. Во 2003 година HIRSCH станува главен снабдувач на кожни ремчиња за швајцарската индустрија на луксузни часовници, со што се потврдува нивниот статус како производител на најдобри, најнапредни и најдетално изработени кожни ремчиња за часовници во целиот свет.

0